Etiam locutores televisifici sunt de Paride Hilton nuntiando defatigati. Mensis Iulii die vicesimo sexto, cum MSNBC iuberet Mikam Brzezinski, ante omnia alia, nuntiare Paridem Hilton esse e carcere liberatam, illa sexta hora matutina recusavit. Septima hora, cum MSNBC iterum eam iuberet de Paride loqui, iterum recusavit et ignitabulum alii locutori auferre, ut nuntium scriptum incenderet, est conata; erat etiam necesse illi locutori ignitabulum recipere ne Mika ignem faceret. Sine haesitatione Mika nuntium scriptum dilaniavit. Octava hora, cum MSNBC tertio vice eam iuberet de Paride ante omnia alia nuntiare, huius nuntii exemplum novum in machinam Batavicam imposuit, ut exemplum omnino deleret. Qua de causa alii locutores coeperunt, levi sub praetextu Mikae deridendi, Paridem deridere.
Pars hilarissima, in qua Josephus et alius locutor Mikam vexant:
- Josephus
- Possumusne Paridis pelliculam quandam vobis nunc praebere?
- Mika
- Non! Non possumus!
- Josephus
- Paridis pelliculam ex carcere ambulantis?
- Mika
- Minime! Acta diurna nuntiabo.
(Pellicula incipit, in qua Paridem e carcere egredientem et photographis palpantem vidimus.)
- Josephus
- Ecce. Illa est.
- Alius
- Ah. Specta eam incedentem…
- Josephus
- Ah. Ecce, quam humilis esse videtur!
- Alius
- Mulier illa est reformata.
- Josephus
- Ita, est reformata.
- Alius
- Verecundatur.
- Josephus
- Ita, est. “Noli photographemata de me facere.”
- Alius
- Scisne quid illa ibi sedens cogitet? “Quomodo adiuvabo Dei regnum in caelo?”
(Pellicula explicit; nunc Mikam vidimus, dolore caput laborantem.)
- Alius
- Sic cogitat.
- Mika
- Ad acta diurna nunc.
- Josephus
- Nonne Jesum invenit? Est bonum.