![IMG 3591](https://nusquam.net/wp-content/uploads/2018/11/IMG_3591.jpg)
![IMG 3607](https://nusquam.net/wp-content/uploads/2018/11/IMG_3607.jpg)
Utrum navis subaquanea ad unum hominem apta, aut vestes quibus homo mersus maneat siccus? Hoc “jimsuit” ut vocatur gerebat Sylvia Earle doctrix et doctis praefecta apud NOAA, reipublicae ministerium ad mare oceanum et caelum investiganda.
![IMG 3592](https://nusquam.net/wp-content/uploads/2018/11/IMG_3592.jpg)
![IMG 3599](https://nusquam.net/wp-content/uploads/2018/11/IMG_3599.jpg)
Hac in minima navicula sex pedum (1.8 metra haeretica) potuit Hugo Vihlen anno 1968º Casablanca profectus trans mare Atlanticum navigare fere usque Miamiam, quamquam cum modo sex milia pasuum a litore Floridensi esset, maris fluxu est a terra appulsus.
![IMG 3588](https://nusquam.net/wp-content/uploads/2018/11/IMG_3588.jpg)
![IMG 3601](https://nusquam.net/wp-content/uploads/2018/11/IMG_3601.jpg)
Quoddam canoae genus quod Venetiis in Italia (in altero orbe terrarum) invenitur; haec canoa est “gondola” aboriginum semone vocata. Cum Venetias ego viserem abhinc annos permultos, nulla canoa gondola sum, pro dolor, vectus, nec multas vidi in fluminibus.
![IMG 3596](https://nusquam.net/wp-content/uploads/2018/11/IMG_3596.jpg)
Alterum genus canoae sed subaquanea, qua Germani vehebantur inter alterum bellum totius mundi.
![IMG 3610](https://nusquam.net/wp-content/uploads/2018/11/IMG_3610.jpg)
Aenigma Germanorum. Multi Germani captivi prope hoc museum tenebantur, aut in Castris Patricii Henrici aut, si erant in navibus subaquaneis cum codicibus instrumentisque cryptographicis capti, in Fundo (qui tum tunc cum nunc vocatur et constabat e duobus oppidulis ab exercitu comparatis, Magruder et Bigleri Molendario)—nam hi, quos negabamus esse a nobis captos, non inter alios captivos teneri poterant, ne Germani discerent quid nos didicissemus.
![IMG 3617](https://nusquam.net/wp-content/uploads/2018/11/IMG_3617.jpg)
Quod vidisses si intus in rebellium navi CSS Virginia (quondam Reipublicae USS Merrimack) stetisses.
![IMG 3624](https://nusquam.net/wp-content/uploads/2018/11/IMG_3624.jpg)
Tormentum bombardicum quod receptum est e ruinis illius navis USS Monitor vocatae, quam navem huius musei exploratores investigatoresque invenerunt et a maris fundo sustulerunt. At quam maxime me taedet de bello civili.
![IMG 3628](https://nusquam.net/wp-content/uploads/2018/11/IMG_3628.jpg)
Aquila aurea navis USS Lancaster nuncupatae.
![IMG 3638](https://nusquam.net/wp-content/uploads/2018/11/IMG_3638.jpg)
![IMG 3639](https://nusquam.net/wp-content/uploads/2018/11/IMG_3639.jpg)
Pharus, cuius lumen posset (si in litore staret) conspici a navibus viginti millibus passuum distantibus.
![IMG 3643](https://nusquam.net/wp-content/uploads/2018/11/IMG_3643.jpg)
![IMG 3642](https://nusquam.net/wp-content/uploads/2018/11/IMG_3642.jpg)
“Ferdinandus VI Hispaniarum et Indiarum Rex.”