Cum Rosa apud Twitter mentionem fecisset περὶ τῶν ὑποζωνίων, litteras Græcas perlustravi ut exempla huius vocabuli invenirem. Lexicographus enim umbraticus quidam, cui numquam contigisse videtur ut τὴν παρθενίην ζώνην λύσειε itaque nescivit quid “sub zona” quærendum latitare, voluit pro gunna…
Author: Nemo Oudeis
Varia de specioso errore rerum naturae
In principio Historiæ Apollonii regis Tyri sic describitur filia Antiochi: Is habuit ūnam fīliam, virginem speciōsissimam, in quā nihil rērum nātūra exerrāverat, nisi quod mortālem statuerat. Sunt qui dicant Historiam illam non ab initio esse Latine conscriptam, sed e fabula…
De amore capnophilo
In libello quodam inveni carmen breve, quod appositum est; illud carmen per paginas tendit quattuor, quas insequuntur paginæ centum quattuordecim annotationum; præficiuntur autem undesepuaginta paginæ prolegomenorum. Palladius Philocharis, qui carmen “repperit” et commentario “philologico æsthetico ethico” illustravit, Vindobonensis videtur fuisse…
De Davo et ejus sacculo nummorum
Davus in sacculo suo nonnullos habuit nummos. Peculium enim exiguum a Julio domino benigno accipere solebat, necnon stipendium superadditum e Julii tabulis adulteratis ac fisco furtim compilato quasi honorarium pro officiis prudenter gestis (ut sibi dicebat) comparare. Id “prudenter” dixi,…